قبل اسافر , عبدلله الظفيري

قبــــل اسافــــر

ليلة فراقك .. ودمعـك لمّـا بعيونـك بـدا
من لمحته قبل أسافر .. ماهنا لي مرقـدي

قلت لك :"أيام وارجع" ، والحكي ضايع سدى
لاْن - بالأيام هذي - حتى هالقلب يغـدي!!

ياوطن روحي أماااانه كفكفي هـذا النـدى
واعذريني والله إن الوضع ماهو فـي يـدي

كل شيّ ٍ ممكن إني أرفضه لجلك .. عَـدا..
[شايبي] لامن زهمني قلت: "أبشر يابعـدي"

انتي أكثر من عرفني ماهو من طبعي الردى
وآنا اعرْفك طووول عمرك ماتحبين الـردي

رحت.. لا قلبي.. ولا فكري.. ولا بالي هدا
رحت.. وهمومي تجر أحزان درب ٍ سرمدي

المصيبه.. كثر ماني والسفـر أكبـر عِـدا
كثر ماربي كتب لي معه أجدّد موعـدي!!!

» خذلني , عبدالله الظفيري
» نكسر الخاطر , عبدالله الظفيري
» يسألوني ليه احبك , عبدالله الظفيري